البيرق البيرق لبن حجاب

قصيده اكثر من رايعه وحماسيه لبن شيخنا حجاب ومن الشاعر الصغير في سنه الكبير في شعره وال\ي شهداء بقوة شعره وتماسكه جميع شعراء حرب الكبار مثل الهاب والافي الغيداني وعيد وغيرهم هوالشاعر ناصر الحويمضي الملقب (بسهم حرب) وهو من سكان عقلة الصقور
اليكم القصيده

يازيـاد يابـادع جـزيـل التماثـيـل=يابن نحيـت اللـي اللامجـاد كسـاب

ابـوك جـوده مثـل وبـل المخاييـل =وبوك من طيبه كم اعتق مـن ارقـاب

يعني لـو اتكلـم مـن الصبـح لليـل =ماني موفـي ربـع مايفعـل حجـاب

الوقفه اللـي حملهـا عسـر بالحيـل =تنصـى حجـاب وللها عنـه مجنـاب

متنه يشيـل ويحتمـل حملـة شعيـل =كمن حمولن شالهـا مالهـا حسـاب

ياصلبهـا النـادر بعيـد المواصـيـل =في ذمتي مـن يعتـزي فيـه مخـاب

رجال تشهـد لـه زحـول الرياجيـل =عـزام جزامـن وللـنـار شـبـاب

من دون قاصـر بالرجـال المشاكيـل =مهضم حقوق اهل النقاء عكف الاشناب

ياحرب ياهل السيف والجيش والخيـل =ياللي ليـا نشبـت تحلـون الانشـاب

يومنهـا جيـش وسيوفـن مصاقيـل =تاقف جميع القوم عن حـرب وتهـاب

وزيـاد مثلنـا وهـو خيـر تمثـيـل =يصخر بيوتن تعجـب الناقـد اعجـاب

ماهوشعر ضحك ولحـون ومواويـل =شعـره يزلـزل فكـر ناقـد وكتـاب

واليوم بالتصويـت لا ينقـص الكيـل =لاخير بالي يـوم جـت وقفتـه غـاب

يمكن ماهو حربي ومن غير تفصيـل =تفسيرها معروف ياصحـاب الالبـاب

يأهـل الحميـا وينكـم شـدو الحيـل =مدام فيها وقفـت اصحـاب لصحـاب

تصويتنـا نبـغـاه تدبـيـل تدبـيـل =نبغا الرسايـل كنهـا المـزن صبـاب

واللي يخزن المـال مسكيـن وبخيـل =وش عذرنا بيـن القبايـل والاجنـاب

يامكثريـن الهـرج والقـال والقيـل =البيرق البيرق لبـن شيخنـا حجـاب

» حجاب المرأة المسلمة
» هذه رسالة مختصرة عن حجاب المرأة المسلمة