بعال الصوت ...

أعد السالفه وأخاطـب الجـلاس
بعال الصوت ماهوسر؟ بأجهاري!

غدرت كليب بالطعنات ياجسـاس
تعال أفهم بعد ما جابـك الطـاري

معاهدني ضميري!! هقوتي نبراس
ولا أكتب غير ماتلهم به أفكـاري

تبعت المصدر الي مايجيه أفـلاس
أموت بعزتي ماباحـت أسـراري

ثقه في نفس ماتتبع كلام النـاس
بطيب أرجال نخوه رافع شعـاري

أعرف أن الجواهر ياذهب يالماس
وسوق البيع مايخلى من الشـاري

عنيد ورغم همي مادخلني يـاس
دروس الوقت منها منبع اصراري

ولو يثر عليه وضعـي ألحسـاس
رحلت ولاأعترف في كلمة أجباري

رويت كبود عطشا هالكـه يبـاس
عزفت أحلى نغم للحزن بوتـاري

أذا أخذت القلم رحبـي القرطـاس
وتبقى الموهبه نعمه من البـاري

ولاصادفت موقف هيض الهوجاس
اخلي كل همـي حفـظ مقـداري

مدام ألعقل بالرجال لـه مقيـاس
على شان أتبعها سقـت معـذاري

أخبي جرح دامي كاتـم الانفـاس
أحاول فوح جرحي ياصل القـاري

حقايق يابحر يامكـذب الغطـاس
لو أن الغدرطبعك وانت له ضاري

سردت السالفه بمخاطب الجـلاس
وعشقت اليل حتى صرت به ساري

وسلامتكم
اعجبتني ونقلتها لكم

.....عبدو... study