للي عجبك في السوم رخصو في الطريق تقيس نصو
كاين ناس من ناس....
و الناس اجناس....
ناس فضة وناس نحاس....
ناس ذهب و ناس الماس....
و ناس كيف التاج فوق الراس.... ...
و ناس تحت الساقين تداس....
ناس كي الملايكة وناس كي الوسواس الخناس....
ناس تتباس و ناس يستاهلو الضرب بالمهراس....
كاين من ناس لي يشبه الناس رزين و على لسانو عساس....
وكاين من ناس خاصهم عساس....
وكاين ناس حياتها ضايعا على جال الناس....
وكاين ناس غايتها التخراب والتجناس....
وكاين ناس تعطي وتمد بلا حساب....
وكاين من ناس لي ما يشبه للناس قلبو صخرة بلا إحساس حتى على لحباب و اصحاب....
وكاين ناس تحلالهم النميمة كل ما مدلهم الواحد الكاس....
وكاين ناس تشوفهم وتحلالك معاهم زينة القعدة وطيب لكلام تحس روحك تعرفهم من زمان....
وكاين ناس ميتين وهم حيين بلى نفاس....
وكاين ناس ماتو وسيرتهم جميلة وحية بين الناس....
وكاين ناس كلامهم وسواس خناس....
وكاين ناس لسانهم على ذكر الله ماتنساش....
شوف و ميز يالي عقلك في داك الراس.... واش من ناس ناوي تنسب روحك ليهم من دوك الناس....
الأحد 27 نوفمبر 2016 - 20:11